鍋處 Hana 冬日和牛巡禮 品嚐日本和牛滋味

Citygate_WagyuSpecial_AW-02.jpg

日本和牛口感細膩柔軟、霜降嘅油花入口溶化，啖啖都係味覺享受！ 如果你都鍾意日本和牛，而家機會嚟啦！

鍋處Hana嚟緊嘅【冬日和牛巡禮】，輪流推出3款直接由 産地直送 嘅日本和牛，分別係【鹿兒島黑毛和牛】、【仙台牛】同【長崎和牛】。唔同產地嘅和牛，會因爲當地嘅氣候、水源、飼料、飼養方法等而有唔同風味，梗係要逐一品嚐 ！

率先推出嘅係【鹿兒島黑毛和牛】，鹿兒島縣係日本九州最南端嘅縣市，溫暖嘅氣候非常適合栽種養育肉牛所需嘅牧草。咁完美嘅環境下出產嘅黑毛和牛當然係牛中極品！ 鹿兒島黑牛喺最近嘅【第11屆全國和牛能力共進會】贏得多個獎項，有日本第一和牛美譽！

鹿兒島黑牛肉質嫩紅，風味濃郁，脂肪分布細密均勻，入口即化，無論係壽喜燒定涮涮鍋都一試難忘！識食嘅牛魔王仲可以揀【90分鐘任食】，回本 0 難度！

三款日本和牛會限定每三個禮拜輪流推出，嚟緊仲會有全日本評等標準最高嘅【仙台牛】同埋同樣喺全國和牛能力共進會拎過第一嘅【長崎和牛】，記得唔好錯過之後嘅介紹啦 ！