打邊爐最緊要咩嘢？梗係靚湯底! 對於牛魔王嚟講，更加緊要嘅係要瘋狂食靚牛呀！

想喺屋企打邊爐食得輕鬆，湯底食材要夠靚，仲要盡情啖啖肉？想食勁量和牛，一定唔可以錯過犇殿推出嘅一公斤美國極黑和牛火鍋外賣 ，一次過滿足哂所有願望~

外賣套餐嘅主角當然係重量級嘅 美國SRF 極黑和牛，佢係日本黑毛和牛同美國頂級安格斯嘅混種，結合咗美國牛嘅濃郁肉味同日本和牛豐富油花，肉質柔嫩多汁，啱哂打邊爐！

有10款可以揀嘅台式湯底款款足料，除咗有招牌嘅御膳麻辣鍋、一品酸菜白肉鍋等，仲可以試下啱哂冬天暖身嘅薑母鴨藥饍鍋同原住民羊肉爐。一公斤嘅勁量和牛+自選足料台式湯底只係$398 ，夠哂彈性！

想方便啲，額外加$100 配埋超過20款台灣火鍋配料，各種肉類、丸餃、蔬菜、醬料，包括鴨血、燕餃、水蓮菜等充滿台式風味嘅食材一次齊晒，夠晒4-6個人食，閉關圍爐冇難度！

套餐需要提前一個鐘落單，約好人就打電話或上Openrice 落單啦~

犇殿古早味台灣火鍋

九龍灣德福廣場1期F1號舖 (2311 2929)